«Олимпия ҳаракати» спартакиадаси. Дзюдочи Усанов ўз вазнида тенгсиз бўлди

Бунгача Наманган, Хоразм ва Қашқадарё вилоятида ушбу спорт мусобақалари якунлангани ҳақида хабар бериб ўтгандик.

Тошкент шаҳрида дзюдо бўйича ўтказилган баҳслар мухлислар орасида катта қизиқишларга сабаб бўлди. Жумладан, -100 кг вазн тоифасида баҳсларда иштирок этган Тошкент Давлат Аграр Университети талабаси Авазбек Усанов барча рақибларини мағлубиятга учратган ҳолда олтин медаль эгасига айланди. Иккинчи ва учинчи ўринлар мос равишда Тошкент давлат Жисмоний тарбия университети талабалари М.Эгамбердиев ва А.Тўхтамишевларга насиб қилди.

Қайд этиш лозимки, ушбу спартакиада янги номларни саралаб олиш мақсадида ташкил этилмоқда. Мусобақада ўзини кўрсата олган спортчиларда кейинчалик терма жамоа сафидан ўрин олиш имконияти пайдо бўлади.