19 июн 20:22
Янгиликлар
Каратэ
"Олимпия куни"га бағишлаб каратэ WKF бўйича онлайн мусобақа ўтказилади
Хабарингиз бор, ҳар йили 23 июнь куни бутун жаҳон бўйлаб "Олимпия куни" катта тантаналар билан нишонланади.
Аммо, ҳозирда бутун дунёда коронавирус пандемияси кенг тарқалиши сабаб 2020 йилда ушбу кунда бир қатор мусобақалар онлайн тарзда ташкил этилмоқда.
Шу муносабат билан Ўзбекистон каратэ WKF миллий федерацияси томонидан "Олимпия куни"га бағишлаб, ўзига хос онлайн мусобақа ўтказилади. Каратэ WKF бўйича ўтказилаётган “Olympic Day-2020” онлайн мусобақасида иштирок этувчилар жорий йилнинг 21 июнь куни соат 18:00 га қадар ўзлари бажарган ката машғулотларини телефон ёрдамида видеога тушириб, телеграм орқали +99893 368-08-98 рақамига юбориши зарур.
Онлайн мусобақанинг ғолиб ва совриндорлари 23 июнь куни аниқланиб, уларга ташкилотчилар томонидан махсус диплом ва қимматбаҳо совғалар топширилади.
Жисмоний тарбия ва спорт вазирлиги Матбуот хизмати
Ҳавола :
Манба : minsport.uz
Фикрлар