Олимпия ўйинларидан қочиб кетган Угандалик атлетнинг сафари эрта қариди, уни тутиб олишди

Угандалик атлет уйига қайтиш истаги йўқлигини, юкларини эса хотинига қайтаришларини хат орқали ёзиб, Токио-2020 Олимпиадасидан қочиб кетганди. Оғир ҳаёт сабаб ватанига қайтишни истамаган атлет барибир полиция томонидан ушланди ва Угандага депорт қилинадиган бўлди.

Сэкитолеко поездга билет сотиб олиб, Олимпиада меҳмонхонасидан қочиб кетганди. Шундан сўнг, спортчи Нагоя шаҳрига боради. У ерда бир ҳамюрти билан учрашиб Гифу шаҳрига йўл олишади. Айнан Гифу шаҳри полицияси видеокузатув қурилмалари орқали спортчини айнан шу шаҳарда эканлигини аниқлайди. Қўлга олинган спортчи ватанига қайтариб юбориладиган бўлди. Унга ёрдам берган ватандошига эса тегишли тартибда тергов иши очилган.

Эслатиб ўтамиз, Токио-2020 Олимпиадаси 23 июль куни старт олиб, 8 август куни ўз якунига етади.