Олимпия ва Паралимпия ўйинларида ўзбекистонлик спортчилардан допинг-синамалар олиндими, натижалар қандай?

Ўйинлар давомида Ўзбекистон спорт делегациялари аъзолари мусобақадан олдин ва мусобақа даврида ўрнатилган тартибда қон ва пешобдан допинг-синамалар топширишди.

Таъкидлаш жоизки, галдаги Олимпиада ва Паралимпиада мусобақадан олдин олинган допинг-синамалар сони аввалги ўйинларга нисбатан сезиларли даражада кўп бўлиб, бунинг асосий мақсади бевосита мусобақаларга имкон қадар тоза, допингдан холи спортчиларни қўйиш орқали соғлом рақобат ҳамда спортда юқори даражали шаффофликни таъминлаш эди ва натижага эришилди.

Ўзбекистонлик Олимпия спотчилардан жами 16 та допинг-синама олиниб, улардан 11 таси мусобақадан олдин ва 5 таси мусобақа даврига тўғри келди. Паралимпия спортчиларимиздан эса жами 39 та допинг-синама олинди, улардан 21 таси мусобақадан олдин ва 18 таси мусобақа даврига тўғри келди.

Мусобақадан олдин олинган тезкор допинг-синамаларнинг хеч қайсисида тақиқланган моддалар аниқланмаганлиги боис спортчиларимиз баҳсларда иштирок этишди. Мусобақа давомида медаль ва совринли ўринларга сазовор бўлган ҳамда рекорд ўрнатган спортчиларимиз допинг-текширувидан ўтишди. Одатда улар тезкор таҳлил қилинмаслиги учун уларнинг натижалари ўйинлардан кейин вақт ўтгач, белгиланган муддатларда маълум бўлади.

Миллий антидопинг агентлиги Матбуот хизмати