Оливейра: "Камаримни ўғирлашганини барча билади"

Бу жанг 2022 йил май ойида бўлиб ўтган эди. Оливейра жангга чемпион сифатида чиққанди, лекин вазн меъёридан ошиб кетгани боис камаридан маҳрум этилганди. Кўплаб жангчилар ўшанда UFC’даги вазн ўлчаш тизимида муаммолар бўлганини таъкидлашган.

"Ҳамма яхши билади: мендан камарни ўғирлашган. Сизлар 200 грамм сабаб деб ўйлаяпсизларми? Ҳеч қандай ортиқча вазн йўқ эди. Мен пайшанба куни вазн ташлаб бўлган эдим — ҳаммаси яхши эди. Лекин унинг мураббийи доим мен билан бирга юрарди — гўё комиссия аъзосидек. Бундай ҳолат бошқа ҳеч қаерда юз бермайди.

Мен ҳеч нарса қила олмадим. Бу жанг Жастиннинг шаҳрида, унинг комиссияси, унинг одамлари билан бўлди. Улар унга камарни беришни хоҳлашди, лекин очиқчасига бера олмасди. Шу боис менинг руҳимни туширишга уринишди. Бу ҳақиқат. Қасам ичаман: ўша куни мен вазнни ташлаган эдим", — деди собиқ чемпион Чарльз Оливейра.