“Оммавий тадбирларни ташкил этиш ва ўтказиш” дирекцияси давлат унитар корхонасига директор тайинланди

Умед Ражабов 2002-2006-йилларда Самарқанд қишлоқ хўжалик институтида таҳсил олган. Спортдаги фаолиятини эса 2009 йилда Самарқанд туман ҳокимлиги Маданият ва спорт ишлари бўлимида спорт ишлари бўйича ўринбосари сифатида бошлаган.

2010 йилдан 2017 йилга қадар “Камолот” ёшлар ижтимоий ҳаракати Марказий Кенгаш аппарати Ёшларда соғлом турмуш тарзини шакллантириш бўлими бош мутахассиси, бўлим мудири, 2017-2018-йилларда Ўзбекистон ёшлар иттифоқи Марказий Кенгаши аппарати Спорт ва саломатлик бўлими бошлиғи, 2019-2021-йилларда Жисмоний тарбия ва спорт вазирлиги Жисмоний тарбия ва оммавий спортни ривожлантириш бошқармаси бошлиғи ва 2021-2022-йилларда Туризм ва спорт вазирлиги Спорт федерация(ассоциация)лари фаолиятини мувофиқлаштириш бўлими бошлиғи ҳамда 2022-йил 3 мартдан эса Спортни ривожлантириш вазирлиги Оммавий спортни ривожлантириш бошқармаси бошлиғи ўринбосари лавозимида фаолият олиб борган.