Спорт вазирлигининг кенгайтирилган Ҳайъат йиғилиши бўлиб ўтди

Унда ортда қолган даврда амалга оширилган ишлар сарҳисоб қилиниб, устувор режалар белгилаб олинди.

Мазкур тадбирда Ўзбекистон Республикаси Президенти Администрацияси департаменти директори Одил Абдураҳмонов, шунингдек, Миллий Олимпия ва Паралимпия қўмиталари раҳбарияти, спорт федерация ва ассоциацияларининг масъуллари ҳам иштирок этишди. 

Анжуман давомида МОҚ раисининг биринчи ўринбосари Отабек Умаров Лос-Анжелес-2028 ёзги Олимпия ўйинларига Ўзбекистон спортчиларининг тайёргарлигини ҳар томонлама пухта ташкил этиш борасидаги устувор вазифалар ҳақида гапирди.

Шунингдек, МОҚ раиси ўринбосари Шерзод Ташматов “Янги Ўзбекистон Олимпия чўққилари” спорт мусобақаларининг минтақавий босқичи якунлари бўйича маълумот берди.

Тадбир давомида 2025-йилда бўлиб ўтадиган нуфузли комплекс мусобақаларга миллий терма жамоаларнинг тайёргарлигини ташкил этиш ва кун тартибидаги бошқа масалалар бўйича батафсил тўхталиб ўтилди.