Open 13 Provence бош соврини Францияда қолди

Мусобақа бош соврини франциялик Уго Умберга насиб этди. Финалгача ATP рейтингида 21-поғонада борган Уго чемпионлик учрашувида дунёнинг 13-ракеткаси бўлиб келган болгариялик Григор Димитровни мағлубиятга учратди - 6/4, 6/3. Француз теннисчиси ўзаро учрашувларда илк бор тажрибали рақибидан устун келди - 1:2. 

Саксон беш дақиқага чўзилган баҳсда Умбер 10, Димитров 6 та эйс зарбасини амалга оширган. Open 13 Provence турниридаги иштирок Угога 250 рейтинг очкоси ва 110,115 евро мукофот пули келтирди. Бу 25 ёшли Умбернинг фаолиятидаги бешинчи ATP турниридаги бош соврин бўлди.