Осака "Чемпионлар қандай ўйнайди" номли китоб тақдимотини ўтказади

Теннисчи 8 декабрь куни Лос-Анжелесда (АҚШ) ўзининг "Чемпионлар қандай ўйнайди" номли болалар китоби тақдимотини ўтказишини маълум қилди.

"Келаси пайшанба куни чиқадиган "Чемпионлар қандай ўйнайди" номли биринчи болалар китобимни интизорлик билан кутяпман. Бу жуда қизиқарли бўлади. У ерда сизни кўришга умид қиламан", - деб ёзди япониялик теннисчи ўз Twitter саҳифасида.

Шунингдек, Осака  ўз китоби ҳақидаги ҳис-туйғулари билан ўртоқлашди.

"Бу менинг ишлаб чиқарувчи компаниямнинг биринчи нашриёт лойиҳаси. Умид қиламанки, бу китоб болаларни орзуларини амалга оширишга илҳомлантиради ва улар хоҳлаган нарсани қила олишларига ишончини оширади. Бу ктиоб менинг юрагимда алоҳида ўрин тутади, чунки тушумнинг бир қисми ёш қизларни спортда қўллаб-қувватловчи фондимга йўналтирилади. Сиз менинг таржимаи ҳолим ёзилган ва имзоим қўйилган китобни харид қилишингиз мумкин,"- деди Осака.

Китобнинг ўзи 6 декабрда чиқади. Маълумки, уни сотишдан тушган маблағнинг бир қисми ёш спортчиларни қўллаб-қувватловчи Осака жамғармасига йўналтирилади.