US Open. Аманда Анисимова иккинчи финалчи!

Дунёнинг тўққизинчи ракеткаси бўлиб турган Аманда 1/2 финалда WTA рейтингида 24-ўринни эгаллаб турган япониялик Наоми Осакани камбэк эвазига мағлубиятга учратишга муваффақ бўлди - 6:7(4), 7:6(3), 6:3.

Икки соату 5 дақиқа давом этган баҳсда Аманда 7, Наоми эса 15 та эйс зарбасини амалга оширди. Анисимова 6, Осака 1 та қўшхато йўл қўйди. Кунчиқар юрт вакиласи 5, мезбон теннисчи эса 6 та брейк-пойнтдан фойдаланди. 

Умумий мукофот жамғармаси 90 миллион АҚШ долларини ташкил этувчи US Open турнирининг аёллар ўртасидаги финал учрашуви эртага бўлиб ўтади. Бош соврин учун Аманда Анисимова дунёнинг биринчи ракеткаси беларуслик Арина Соболенкога қарши кортга чиқади.