16 сен 12:48
Янгиликлар

Бошқалар

Осиё чемпионатида муваффақиятли иштирок этган самбочиларимиз Тошкентда тантанали кутиб олинди + ФОТО

Теглар : Самбо

Хабар бериб ўтганимиздек, 13-15 сентябрь кунлари Ҳиндистоннинг Нью-Дели шаҳрида самбо бўйича катталар, ёшлар ва ўсмирлар ўртасида Осиё чемпионати бўлиб ўтди.

Бугун тунда ушбу Осиё чемпионатида муваффақиятли иштирок этган ўзбекистонлик самбочилар юртимизга қайтиб келиши. Улар Ислом Каримов номидаги Тошкент халқаро аэропортида тантанали равишда кутиб олинди.

Тадбир давомида Ўзбекистон самбо ассоциацияси президенти Алишер Алимов сўзга чиқар экан, спортчилар, мураббий ва уларнинг яқинларини қўлга киритилган ютуқ, эришилган муваффақият билан муборакбод этди. Ушбу муваффақият замирида мамлакат раҳбари томонидан спортга кўрсатилаётган ғамхўрлик тургани алоҳида қайд этилди.

Маълумот учун, Осиё чемпионатида Ўзбекистон терма жамоаси 40 та медаль қўлга киритди. Уларнинг 23 таси олтин, 11 таси кумуш ва 6 таси бронза медалларидир.

Мусобақа якунига кўра, самбочиларимиз умумжамоа ҳисобида биринчи ўринни эгаллашди. Иккинчи ва учинчи ўринлар мос равишда Қозоғистон ва Мўғулистон терма жамоаларига насиб қилди.

Фурсатдан фойдаланиб, www.olamsport.com сайти эрилилган муваффақият билан Ўзбекистон самбо ассоциациясини, спортчи ва мураббийларимизни табриклайди.