28 фев 07:03
Янгиликлар
Сув спорти турлари
Осиё чемпионатида Петряков Ўзбекистон рекордини янгилади, Усмонов иккита медаль қўлга киритди
Филиппин давлати мезбонлик қилаётган сув спорти турлари бўйича ёш гуруҳлари ўртасида кечаётган Осиё чемпионатида Ўзбекистон терма жамоаси аъзолари совриндорлар сафидан жой олди.
Жумладан, маҳоратли спортчимиз Егор Петряков 400 метрга комплекс сузишда 4:25.53 натижа қайд этиб, бронза медалига сазовор бўлди. Егор қитъа чемпионатида совриндор бўлиш билан бирга, ушбу масофага Ўзбекистон рекордини ҳам янгилади. Аввалги рекорд кўрсаткич 4:25,96 дақиқани ташкил этиб, 2014 йили Алексей Дерлюгов томонидан ўрнатилган эди.
Бундан ташқари, яна бир сузувчимиз Элдорбек Усмонов иккита кумуш медални қўлга киритди. Элдорбек дастлаб 50 метрга эркин усулда сузиш мусобақасида белгиланган масофани 22.87 сонияда босиб ўтиб, маррага иккинчи бўлиб етиб келди. Шундан сўнг у 100 метр масофага баттерфляй усулда сузишда 53.14 сония натижа қайд этиб, иккинчи кумуш медалга сазовор бўлди.
Ҳавола :
Манба : aquatics.uz
Фикрлар