19 май 18:18
Янгиликлар
Самбо
Осиё чемпионатига тайёргарлик бошланди: самбочиларимиз Чирчиқда йиғинга киришди + ФОТО
2-4 июнь кунлари Ливанда самбо бўйича Осиё чемпионати ўтказилади.
Қитъада етакчилардан ҳисобланадиган Ўзбекистон самбо терма жамоаси Осиё биринчилигига муносиб тайёргарлик кўриш мақсадида Тошкент вилоятида ўқув-машғулот йиғинини бошлади.
Чирчиқ шаҳрида 28 майгача давом этадиган ушбу йиғин қитъа чемпионатига тайёргарликнинг сўнгги босқичи ҳисобланади.
Бугун йиғиннинг дастлабки кунида терма жамоа аъзоларига мураббийлар томонидан бир қатор масалалар бўйича тушунтиришлар бериб ўтилди. Йиғилишда жамоа аъзоларининг ўзини тутиши, кун тартиби, Осиё чемпионатига тайёргарлик режаси ва спортда тақиқланган препаратлар бўйича тушунчалар бериб ўтилди.
Ўзбекистон самбо ассоциацияси матбуот хизмати
Ҳавола :
Манба : t.me/uzbekistan_sambo
Фикрлар