Осиё чемпионатининг дастлабки кунида ўзбек велоспортчилари ўз юришларини медаллар билан бошлади

Йилнинг энг муҳим турнирларидан бўлган ушбу Осиё чемпионати велоспортнинг шоссе йўналишида ўтказиляпти.Осиё чемпионатининг дастлабки кунида спортчилар 30 км масофада жамоавий пойгаларда ўз имкониятларини синовдан ўтказишди. Ҳамюртларимиздан Ольга Забелинская,  Янина Кускова, Евгения Голотина,  Алексей Фомовский,  Дмитрий Бочаров, Бекзод Раҳимбоев бугунги пойгада иштирок этишди. Қувонарлиси шундаки, умумжамоа ҳисобида ўзбек велоспортчилари шоҳсупанинг иккинчи поғонасини банд этишди. Биринчи ўрин қозоғистонлик спортчиларга насиб этган бўлса, кучли учликдан хитойликлар жой олишди. Айтиш керак, Осиё чемпионати якунида спортчилар Париж-2024 Олимпия ўйинларига йўлланма берувчи муҳим рейтинг очколарини қўлга киритишади.