Осиё чемпионатининг иккинчи куни 2 та кумуш, 2 та бронза медали қўлга киритдик + ФОТО

Ниҳоясига етган куннинг иккинчи кунги беллашувларида жами 4 та вазн тоифасида ғолиб ва совриндорлар номи маълум бўлди. Бугунги баҳслар якунида Ўзбекистон терма жамоаси 2 та кумуш ва 1 та бронза медалига эга бўлди. -73 кг вазнда финалга етиб келган Муроджон Йўлдошев қозоғистонлик Данияр Шамшаевга имкониятни бой бериб, кумуш медаль соҳибига айланди. Ушбу вазнда курашган яна бир дзюдочимиз Обидхон Номонов тожикистонлик Беҳрузи Ҳожазодадан устун келиб, бронза медалига сазовор бўлди. 

-70 кг вазнда юртимиз шарафини ҳимоя қилган тажрибали дзюдочимиз Гулноза Матниязова олтин медаль учун кечган муросасиз беллашувда япониялик уч карра жаҳон ва Осиё чемпиони Йоко Онога ютқазиб қўйди. Бу вазндаги иккинчи вакиламиз Шоҳиста Назарова қозоғистонлик Анастасия Маяковани енгиб, Осиё чемпионатининг бронза медалига эга чиқди. 

Шу тариқа, Ўзбекистон терма жамоаси икки кунлик баҳслар якунига кўра 1 та олтин, 2 та кумуш, 4 та бронза медалига эга бўлиб турибди.