Осиё чемпионатининг иккинчи куни иккита медаль қўлга киритилди

Бугунги беллашувлар якунига 1 та кумуш ва 1 та бронза медалига сазовор бўлдик. -70 кг вазнда юртимиз шарафини ҳимоя қилган Ширинжон Йўлдошева Осиё чемпионлиги учун кечган финал беллашувида КХДР вакиласи Сонг Мунга имкониятни бой бериб, кумуш медаль билан тақдирланди. Ширинжон қўлидаги жароҳат билан ҳаракат қилганини айтиш ўринли бўлади. 

Ярим финалда айнан Ширинжон Йўлдошевага ютқазган терма жамоамиз аъзоси Хуршида Раззоқбердиева бронза медалини қўлга киритди. У Хитой Тайпейи вакиласи Ю-Жунг Лиаодан устун эканини амалда исботлади.  

Шу тариқа, Ўзбекистон терма жамоаси икки кунлик беллашувлар якунига кўра 3 та кумуш, 2 та бронза медали билан олтинчи ўринга пастлади. Эртага оғир вазн тоифаларида медаллар учун кураш кечади. 

Кумуш медаллар:

-48 кг: Лазиза Ҳайдарова

-52 кг: Сита Кадамбаева

-70 кг: Ширинжон Йўлдошева 

Бронза медаллар:

-60 кг: Самариддин Қўчқоров 

-70 кг: Хуршида Раззоқбердиева