13 ноя 18:12
Янгиликлар

Спорт курашлари

Осиё чемпиони Умиджон Исмановни табриклаймиз!

Бугун эркин кураш бўйича Ўзбекистон терма жамоаси аъзоси Умиджон Исманов ўз таваллуд айёмини нишонламоқда.

Умиджон Акбаралиевич Исманов 1989 йил 13 ноябрь куни Андижон вилоятида дунёга келган. "Динамо" спорт жамияти аъзоси. 2009 йил ёшлар ўртасида Осиё чемпиони бўлган. 2014 йилда Ҳиндистонда ўтказилган Осиё чемпионатида -84 кг вазн тоифасида барча рақибларини мағлубиятга учратиб, олтин медални қўлга киритган.

2015 йил Доҳа, 2017 йилда Нью-Делида ўтган қитъа чемпионатларида бронза медалига сазовор бўлган. 2014 йил Жанубий Кореянинг Инчхон шаҳри мезбонлик қилган Осиё ўйинларининг бронза медали совриндорига айланган. Умиджон Исмановдир.

Фурсатдан фойдаланиб, Умиджон Исмановни бугун шукрона куни билан Ўзбекистон спорт курашлари ассоциацияси раҳбарияти, мураббийлар, ҳакамлар ва курашчилар номидан муборакбод этамиз.