Ўзбек миллий кураши SportAccord 2024 кўргазмасига киритилди

7-11 апрель кунлари Буюк Британиянинг Бирмингем шаҳрида бўлиб ўтадиган глобал спорт тадбирида инновацион ташаббуслар, янги тадбир моделлари ва глобал таклифлар муҳокама қилинади.

Унда жаҳон сиёсати ва спортининг муҳим арбоблари, нуфузли давлат ва жамоат арбоблари иштирок этиши кутилмоқда.

Йилнинг энг нуфузли глобал спорт ва ишбилармонлик учрашувида AI ва WEB 3, спортда илғор технологиялардан фойдаланиш ҳамда тадбирлар ва саёҳатларни оптималлаштириш каби муҳим мавзуларда амалий семинарлар ҳам ташкил этилади.

Бу йил ушбу тадбирларда Курашнинг расмий кўргазмаси ҳам бўлиб ўтади.

Кураш халқаро ассоциацияси президенти Ҳайдар Фармон раҳнамолигида мазкур нуфузли спорт ҳафталигини юқори савияда ўтказишга тайёргарлик кўрилмоқда.

Бирмингем халқаро конференция марказида курашга бағишланган махсус павилён мавжуд. Курашнинг тарихи, ривожланиши ва замонавий ютуқларини акс эттирувчи совғалар ва кўргазмалар тақдим этилиши кутилмоқда.