Ўзбек миллий кураши яна бир нуфузли тадбир дастурига киритилди

Sport on Tour-2024 Италиянинг энг нуфузли спорт тадбирларидан биридир. Мамлакат ҳукумати, спорт вазирлиги ва миллий олимпия ва паралимпия қўмиталари ташаббуси билан ўтказиб келинадиган мазкур тадбир жанг санъатидан волейболгача, сузишдан бадиий гимнастикагача, рақс, футбол ва 20 дан ортиқ спорт турларини қамраб олади.

Жорий йилда тадбирлар 5 дам олиш кунлари давомида мамлакатнинг 6 та турли жойларда бўлиб ўтади. Sport on Tour-2024'да халқаро спорт федерациялари, спорт уюшмалари, фондлар, спорт индустрияси вакиллари ва спортга ихтисослашган ОАВ вакиллари иштирок этади.

Италия Кураш академияси ташаббуси билан мазкур кўргазмада илк бора Кураш спорти ҳам тақдим қилинади.