18 июн 08:35
Янгиликлар

Бокс/ММА

Ўзбек ММАчиси Анвар Бойназаров Хитойда 50 000 долларлик турнирдаги жангида ғалаба қозонди

Кеча -65 кг вазн тоифасида аралаш қоидалар жангида иштирок этадиган спортчимиз Анвар Бойназаров таиландлик Манасга қарши жанг қилди.

Ҳакамлар жангдан сўнг бир овоздан спортчимизнинг ғалабасини қайд этдилар.

Шу тариқа, Анвар "EM-Legend" турнирининг ярим финалига йўл олди.

Маълумот учун, Бойназаров ўтган мавсумда ҳам ушбу турнирнинг финалигача етиб борган. Фақат, виза билан боғлиқ муаммолар пайд бўлгани сабаб, ҳал қилувчи жангда иштирок эта олмаганди. Спортчимиз ўша финал жангида айнан Манасга қарши жанг қилиши лозим эди. Мана, бугунга келиб у таиландлик рақиби билан жанг қилди ва ғалаба қозона олди.

Унинг ярим финалдаги рақиби ҳақида кейинроқ маълумот берамиз.