Ўзбек таэквондосида янги саҳифа очган қаҳрамонларимиз тантанали кутиб олинди ФОТО + ВИДЕО

Унда терма жамоамиз берилган имкониятдан максимал фойдаланиб, делегациямиз ҳисобига 3 та йўлланмани тақдим қилди.

Бугун лицензион турнирда муваффақиятли иштирок этган терма жамоамиз Тошкентга қайтиб келди. Ислом Каримов номидаги Тошкент халқаро аэропортида ўтган тадбирда МОҚ раиси Рустам Шоабдураҳмонов, Туризм ва спорт вазирининг ўринбосари Аваз Каримов, МОҚ Бош котиби Ойбек Касимов Қўмита раисининг ўринбосари Азизжон Камилов, Ўзбекистон Республикаси Мудофаа вазирлиги мутасаддилари, спортчиларимизнинг яқинлари ва кўп сонли мухлислар иштирок этишди.

Делегациямиз Амман-Дубай-Тошкент йўналишида юртимизга қайтиб келишди. Мутасаддилар спортчиларимизни қўлга киритилган тарихий ғалаба билан қутлашар экан, Янги Ўзбекистон ёшларига бўлажак Олимпия ўйинларида ҳам юртимиз шарафини муносиб ҳимоя қилишларини тилаб қолишди.

Мусобақада аёллар ўртасида Нигора Турсунқулова -67, Светлана Осипова +67 кг, ёш йигитимиз Улуғбек Рашитов эса -68 кг вазн тоифаларида финал йўлланмаси қаторида Токио-2020 иштирокчисига айланишган эди. Шу тариқа, таеквондо бўйича терма жамоамиз Олимпия ўйинларида илк бор 4 нафар спортчи билан иштирок этадиган бўлишди. Эслатиб ўтамиз, бунгача Никита Рафалович -80 кг вазн тоифасида жаҳон рейтинги орқали Олимпиадага йўлланма олган эди.

Видео: Самандар Шокиров

Фото: Жаҳонгир Файзуллаев