Ўзбекистон аёллар поло лигаси раҳбари сайланди

Шу боис юртимизда хотин-қизларнинг ҳақ-ҳуқуқларини ҳимоя қилиш, уларнинг саломатлигини мустаҳкамлашга давлат даражасида эътибор қаратилмоқда.

Миллий гвардия қўмондони ўринбосари полковник С.Мамаюсупов, Оила ва хотин-қизлар қўмитаси раиси О.Парпибоева, Ўзбекистон поло федерацияси раиси А. Рустамбоев, Савдо-саноат палатаси раиси ўринбосари Н.Умарова каби масъуллар ва мутахассислар қатнашган йиғилишда Ўзбекистонда аёллар ўртасида поло спортини ривожлантириш, иқтидорли, истиқболли спортчиларни саралашнинг самарали тизимини ташкил этиш мақсадида уч томонлама ҳамкорлик меморандумини имзолаш маросимида шу ҳақда сўз борди.

Мутасадди ва мутахассислар мамлакатимизда поло спорт турини хотин-қизлар ўртасида оммавий спорт турларидан бирига айлантириш, ўқувчи ва талабаларнинг ушбу спорт турига қизиқишини ошириш, жойларда поло от спорти хизматларини йўлга қўйиш, ўқув-услубий қўлланмалар ишлаб чиқиш, хотин-қизларнинг поло спорт тури билан шуғулланишлари учун зарур моддий-техник база ва инфратузилмани шакллантириш лозимлиги таъкидланди.

Билдирилган фикр-мулоҳаза ва тавсиялар асосида Оила ва хотин-қизлар қўмитаси раиси Озода Парпибоева Аёллар поло лигаси раҳбари этиб сайланди.

Шундан сўнг, поло спорт турини оммалаштириш масалалари муҳокама қилинди. Йиғилиш якунида Аёллар поло лигаси жамоаси рамзи туширилган спорт либослари фаол ёш полочи қизларга тантанали топширилди.