Ўзбекистон белбоғли кураш федерацияси раиси Бутунжаҳон этноспорт конфедерацияси анжуманида иштирок этди

Мазкур анжуман конфедрация президенти Нажмиддин Билол Эрдоган раислигида ўтказилиди ва дунёнинг 45 давлатидан спорт делегатлари, БМТ вакиллари, таниқли спортчилари иштирок этди.

Хусусан, ҳамюртимиз, Ўзбекистон белбоғли кураш федерацияси раиси Равшан Дастиров ҳам ушбу форум ташкилотчилари таклифига бинаон иштирок этиб, этноспорт таркибида бўлган белбоғли курашимизни халқаро миқёсда кенг ривожлантириш бўйича нутқ сўзлади.  

Р. Дастировнинг таъкидлашича, анжуман доирасида 2022 йилнинг куз фаслида Туркия давлатида ўтадиган “Кўчманчи  халқлар миллий ўйинлари”да белбоғли кураш спорт турини ҳам киритиш бўйича келишувга эришилган.

Бешинчи бор ўтказилган ушбу анжуманда мутахассислар этноспорт оиласига мансуб миллий спорт турларини халқаро даражада ривожлантириш, келажакда қандай мусобақалар ташкил этилади, оммалаштириш йўлидаги барча имкониятларни ишга солиш, этноспорт фаолиятини оммавий ахборот воситалари ва ижтимоий тармоқларда кенг ёритиш каби қатор масалалар муҳокама қилинди.

Шунингдек, кўплаб давлатларнинг миллий спорт тураларига оид кўргазмали чиқишлар, видеороликлар намойиш этилди.

Илҳом РАҲМОНОВ тайёрлади