Ўзбекистон делегацияси сув спорти турлари бўйича ЖЧда иштирок этиш учун Қатарга йўл олди!

Мазкур нуфузли мусобақада мамлакатимиз спортчилари ҳам иштирок этадилар. Кеча тонгда делегациянинг дастлабки гуруҳи Дохага йўл олди.

Синхрон сузиш баҳсларида Ватанимиз шарафини Диана Онкес, Зиёда Тошхўжаева ва Анна Ващенко «дуэт» баҳсларида ҳимоя қилишади. 

Сувга сакраш мусобақасида эса Игорь Мялин ва Вячеслав Качанов совринли ўринлар учун кураш олиб боради. 

Қуйида спортчиларимизнинг баҳсларга киришадиган вақтлари берилган:

Синхрон сузиш

2 февраль 4:00 – техник дуэт (саралаш) – Онкес Диана + Тошхўжаева Зиёда

7 февраль 11:30 – эркин дуэт (саралаш) – Онкес Диана + Тошхўжаева Зиёда

Сувга сакраш 

3 февраль 12:00 – 1 м трамплин (саралаш) – Качанов Вячеслав

4 февраль 5:30 – 3 м трамплин синхрон сакраш (финал) – Мялин Игорь + Качанов Вячеслав

6 февраль 12:00 – 3 м трамплин (саралаш) – Мялин Игорь, Качанов Вячеслав

9 февраль 2:30 – 10 м баландликдан сакраш (саралаш) – Мялин Игорь.

Маълумот учун, мазкур жаҳон чемпионатида сузиш бўйича терма жамоамиз ҳам иштирок этади ва улар 7 февраль куни Доҳа шаҳрига жўнаб кетишади.