Ўзбекистон делегациясини Париж-2024 Олимпиадасига тантанали кузатиш маросими бўлиб ўтди (+ФОТО)

Маросимда Ўзбекистон Республикаси Бош вазири Абдулла Арипов, Ўзбекистон Республикаси Сенати раиси Танзила Нарбаева, Вазирлик, Милий Олимпия қўмитаси, федерация раҳбарлари, спортчилар ҳамда оммавий ахборот воситалари ходимлари иштирок этди. 

Бокс бўйича жаҳон чемпиони, Осиё ўйинлари ғолиби Абдумалик Ҳалоков ҳамда қиличбозлик бўйича Осиё ўйинлари ғолибаси, "Шуҳрат" медали соҳибаси Зайнаб Дайибекова Париж-2024 Олимпия ўйинларида Ўзбекистон спорт делегациясининг байроқдорлари бўлиши расман эълон қилинди. 

Тадбирда сўзга чиққан Абдулла Арипов ўз нутқида Олимпия ўйинлари ғолиб ва совриндорларига давлат томонидан бериладиган мукофот пуллари ҳақида хабар берди. Унга кўра, Олимпиада чемпионлари 200 000, кумуш медаль соҳиблари 100 000, бронза медал совриндорлари эса 50 000 долларга эга бўлади. 

Ўзбекистон спорт делегацияси Париж-2024 ёзги Олимпия ўйинларида миллий брендимиз ҳисобланган 7Saber либосларида иштирок этади. Токио-2020 Олимпия ва паралимпия ўйинларида ҳам спорт делегациямиз 7Saber экипировкаларидан фойдаланган эди. Ўтган йили Осиё ўйинларида ҳам ушбу бренд терма жамоамиз делегациясини кийинтирганди.