Ўзбекистон Миллий паралимпия қўмитаси Осиё велоспорт конфедерацияси билан меморандум имзолади

Мусобақа доирасида бир қатор юқори даражадаги учрашувлар ташкил этилди.

Жумладан, Ўзбекистон Миллий паралимпия қўмитаси раиси Мухторхон Ташходжаев Осиё велоспорт конфедерацияси президенти Осама Ал Шафар билан учрашди. Суҳбат давомида томонлар Ўзбекистонда пара велоспортга қаратилаётган эътибор, унинг ривожланиши ҳамда келажакдаги режалар ҳақида фикр алмашишди.

Шундан сўнг Ўзбекистон Миллий паралимпия қўмитаси ва Осиё велоспорт конфедерацияси ўртасида ўзаро ҳамкорлик меморандуми имзоланди.

Таъкидлаш керак, томонлар ўртасида имзоланган ушбу келишув келажакда юртимизда пара велоспортни янги босқичга олиб чиқишга хизмат қилади.