14 июл 07:10
Янгиликлар
Футбол
Ўзбекистон миллий терма жамоасининг ўйини бекор қилинди
2018 йили Россияда бўлиб ўтадиган Жаҳон чемпионати саралашининг учинчи босқичига тайёргарлик кўраётган Ўзбекистон миллий терма жамоаси навбатдаги ўқув-машғулотларини Австрияда ўтказмоқда.
Йиғин давомидаги илк ўртоқлик учрашуви кеча Енбах шаҳрида Чехиянинг “Яблонец” клубига қарши ўтказилиши режалаштирилганди. Аммо кучли ёмғир туфайли ўйин бекор қилинди. “Яблонец” клуби расмий сайтида ёзишилича, ноқулай об-ҳаво шароити туфайли томонлар ўзаро келишган ҳолда, шу қарорга келишган.
“Нима ҳам қила олардик, об-ҳаво бизга панд берди. Бундай шароитда учрашувни ўтказиш футболчилар саломатлигини хавф остида қолдиради. Айнан шу сабаб ўйинни бекор қилдик”, - деди “Яблонец” мураббийи Зденко Фртала.
Таъкидлаш жоиз, “Яблонец” Австрия йиғини доирасида Англиянинг номдор жамоаси “Эвертон”га қарши ўртоқлик учрашуви ўтказишни ҳам режа қилган.
Ҳавола :
Манба : championat.asia
Фикрлар