Ўзбекистон самбо ассоциацияси "Осиё болалари"да совриндор бўлган спортчиларимизни тақдирлади + ФОТО

Ушбу мусобақада Ўзбекистон самбо терма жамоаси аъзолари ҳам иштирок этиб, делегациямиз ҳисобига 1 та олтин, 2 та кумуш ва 6 та бронза медалларини қўшиб қўйишганди. 

Мазкур ғалаба Ўзбекистон самбо ассоциацияси томонидан ҳам эътироф этилди. Бугун ассоциация биносида спортчиларни тақдирлашга бағишланган тадбир ташкил этилди. Унда Ўзбекистон самбо ассоциацияси раиси Алишер Алимов, раис ўринбосари Ислом Адилов, терма жамоамиз бош мураббийи Роман Шакиров, аёллар терма жамоаси мураббийи Екатерина Близнецова, ассоциация ходимлари, совриндор спортчилар ва уларнинг яқинлари иштирок этишди. 

Спортчиларни табриклар экан, Алишер Алимов ушбу медаллар терма жамоамиз учун муҳим аҳамият касб этгани, навбатдаги мусобақаларда самбочиларимиздан бунданда юксак натижалар кутилишини алоҳида қайд этди. 

Шундан сўнг самбочиларимизга эсдалик совғалари топширилди. 

Эслатиб ўтамиз, "Осиё болалари"да қуйидаги спортчиларимиз совриндор бўлишганди: 

Олтин: 

-58 кг: Ислом Абдузокиров

Кумуш: 

-44 кг: Диёра Намозова

-54 кг: Фотима Мусаева

Бронза:

-41 кг: Бибихоним Одилова

-47 кг: Шахзода Садуллаева 

-46 кг: Немат Худайберганов

-49 кг: Асадбек Матякубов

-64 кг: Азамат Аблокулов 

-79 кг: Диербек Кучканов 

Ўзбекистон самбо ассоциацияси матбуот хизмати