Ўзбекистон самбо ассоциацияси ва АҚШ самбо федерацияси ўртасида ҳамкорлик меморандуми имзоланди

Учрашувда юридик фанлар доктори, Халқаро самбо федерацияси (ФИАС) ҳуқуқий комиссияси аъзоси, АҚШ самбо федерацияси Ижроия қўмитаси аъзоси жаноб Эрик Райз, Халқаро самбо федерацияси (ФИАС) Ижроия қўмитаси аъзоси, АҚШ самбо федерацияси раҳбари жаноб Михаил Козитский ва Ўзбекистон самбо ассоциацияси раиси Алишер Алимовлар иштирок этишди. 

Учрашувда федерацияларимиз ўртасидаги келгусидаги икки томонлама муносабатлар, ҳамкорлик, шунингдек истиқболдаги режалар муҳокама қилинди. Хусусан, ўзбек самбочиларининг АҚШдаги фаолиятини янада ривожлантириш бўйича келишувга эришилди. Шунингдек, мазкур йиғилишда икки федерация ўртасида келгусида ҳамкорликни йўлга қўйиш бўйича меморандум имзоланиб, унга кўра спортчиларимиз келгусида икки давлат қонунчилигига мувофиқ, АҚШда машғулотлар олиб бориш ва самбо бўйича АҚШ самбо федерацияси томонидан ташкил этилган турли турнирларда иштирок этиш имкониятига эга бўладилар.