30 янв 14:07
Янгиликлар

Шахмат

Ўзбекистон шахмат федерациясига янги раис сайланди

Бугун Ўзбекистон шахмат федерациясида навбатдан ташқари конференция ташкил этилди.

Конференция давомида кун тартибидан ўрин олган асосий масала ташкилотга янги раис сайлашдан иборат эди.

Унга кўра, Ўзбекистон шахмат федерациясига Ўзбекистон Республикаси Бош вазири ўринбосари Азиз Абдуқаҳҳорович Абдуҳакимов раис этиб сайланди.

Эслатиб ўтамиз, кеча Азиз Абдуҳакимов бошчилигида шахматга бағишланган йиғилиш ташкил этилганди. Унда “Шахматни янада ривожлантириш ва оммавийлаштириш ҳамда шахматчиларни тайёрлаш тизимини такомиллаштириш чора-тадбирлари тўғрисида”ги Президент қарорида 2025 йилга қадар эришилиши керак бўлган асосий вазифалар ва мақсадлар муҳокама қилинганди.

Бунгача федерация раиси лавозимини Дмитрий Ли эгаллаб турганди.