Ўзбекистон стол тенниси федерацияси Сурхондарё вилоятига спорт жиҳозларини тақдим этди

Бунинг натижасида нафақат пойтахтимизда балки юртимизнинг барча ҳудудларида спорт ва жисмоний тарбия билан шуғулланиш учун имкониятлар яратилмоқда. Ушбу имкониятлардан унумли фойдаланаётган фарзандалирмиз, ўзлари танлаган спорт турлари билан мунтазам шуғулланиб, халқаро ареналарда Ватан шарафини янада юксалтирмоқда.

Жумладан, бугунги кунда ёшларимизнинг энг севимли спорт турига айланган стол тенниси билан мунтазам шуғулланишлари учун Ўзбекистон стол тенниси федерацияси самарали ишлар олиб бормоқда. Аввало федерация вилоят бўлимлари ва юртимизнинг чекка-чекка ҳудудларидаги тўгаракларга барча керакли инвентарлар етказиб бермоқда. Ўзбекистон стол тенниси федерацияси мазкур спорт турини янада оммалаштириш, ёш спортчиларни тажрибали теннисчилар қаторига қўшиш мақсадида Сурхандарё вилояти бўлимига стол тенниси учун керакли бўлган спорт инвентарларини етказиб берди. 

–  Бизнинг мақсадимиз ёшларимизни спорт орқали саломатликларини янада яхшилаш ва уларни келгусида мамлакатимиз шарафини муносиб ҳимоя қиладиган спортчи сифатида камол топтиришдир, – дейди Ўзбекистон стол тенниси федерацияси раиси Саида Маҳмудова. – Бироқ ҳар бир спортчидан юқори натижа талаб этиш учун, аввало, унга керакли бўлган шарт-шароитлар яратишдир. Шу сабабли ҳам биз биринчилардан бўлиб вилоят бўлимларимизга доимий эътибор қаратиб келмоқдамиз.

Умид қиламанки, мазкур имкониятлардан фойдаланган теннисчиларимиз Олимпия ўйинлари ва жаҳон ҳамда қитъа чемпионатларидан юрт байроғини юқорига кўтаради.

Ўзбекистон стол тенниси федерацияси матбуот хизмати