Ўзбекистонда теннис бўйича ATP Челленжер мусобақаси ўтказилади

Шунингдек, мамлакатимиз теннис бўйича Осиёнинг топ-5 талигига киришни мақсад қилган.

Бу "Теннис спорт турини оммалаштириш ва ривожлантириш чора-тадбирлари тўғрисида"ги Президент қарорида (ПҚ–347-сон, 2026 йил 21 сентябрь) белгилаб қўйилди.

Қарорга кўра, теннисни истиқболли спорт турлари қаторига киритиш бўйича ҳам чоралар кўрилади.

2026 йил 1 октябрдан Ўзбекистонда теннис бўйича қатор мусобақаларни анъанавий тарзда ўтказиш йўлга қўйилади.

Жумладан, Профессионал теннисчилар ассоциацияси (ATP), Аёллар тенниси ассоциацияси (WTA) ва Халқаро теннис федерацияси (ITF) шафелигидаги халқаро мусобақалар ташкил этилади.

Шунингдек, ёшлар ва катталар ўртасида Ўзбекистон кубоги, ёшлар, ўсмирлар ва катталар ўртасида Республика чемпионати, катталар ўртасида “Uzbekistan Open” халқаро турнири ҳамда эркаклар ўртасида “ATP Challenger” халқаро мусобақаси ўтказиб борилади.