Ўзбекистон Стол тенниси Федерацияси ва ЎзДЖТСУ ўртасида меморандум имзоланди

Тадбирда Ўзбекистон Стол тенниси Федерациясининг Тошкент вилояти бўлими раиси ўринбосари Цой Георгий Владимирович, Юқори Чирчиқ тумани болалар - ўсмирлар спорт мактаби директори Халикова Ольга Андреевна, Юқори Чирчиқ тумани болалар - ўсмирлар спорт мактаби аёллар терма жамоаси бош  мураббийси Исмаилова Алие Рутемовна, университет ректори, профессор Болтабаев Маҳмуджон Рустамович,  Спорт ўйинлари факультети декани Дусанов Норйигит Эрназарович, “Теннис, бадминтон назарияси ва услубияти” кафедраси мудири Усманов Кобилжон Камилович ҳамда Юқори Чирчиқ тумани болалар - ўсмирлар спорт мактаби ўқувчилари иштирок этишди.

Федерациянинг Тошкент вилояти бўлими ва университетнинг ўзаро келишуви доирасида стол тенниси бўйича мутахассисларини жалб этган ҳолда қисқа ўқув кўрсларини ташкил этиш, стол тенниси спорт турига оид илмий рисолалар чоп этишни йўлга қўйиш ҳам келишиб олинди. 

Университетда 2020-2021 ўқув йиллидан бошлаб стол тенниси бакалавир  таълим йўналиши очилди ва жами 71 нафар талаба қабул қилинди. Шулардан 26 нафари кундузги, 26 нафари сиртқи, 19 нафари махсус сиртқи таълимда таҳсил олмоқда. Талабаларининг 3 нафари Ўзбекистон чемпиони ҳисобланади. 

Университетга федерациянинг Тошкент вилояти бўлими томонидан Германиянинг “DONIC” фирмасида ишлаб чиқилган 50 миллион сўмлик 6 дона стол тенниси столи берилди.  

Учрашув якунида томонлар бир-бирларига эсдалик совғалар тақдим этишди. 

ЎзДЖТСУ матбуот хизмати