27 апр 07:07
Янгиликлар

Велоспорт, Париж-2024

Ўзбекистон велоспорт федерацияси Париж-2024 Олимпиадасида иштирок этувчи илк спортчи номини маълум қилди

26 июль - 11 август кунлари Франциянинг Париж шаҳрида тўрт йилликнинг энг муҳим комплекс мусобақаси - Париж-2024 Олимпиадаси ўтказилади.

Мусобақага Ўзбекистон велоспорт терма жамоаси шоссе йўналишида тўртта йўлланмани қўлга киритди - аёллар учун 3 та, эркаклар учун 1 та.

Терма жамоа мураббийлар штаби мусобақада иштирок этувчи илк спортчи номини маълум қилди. Унга кўра, уч карра Олимпиада ўйинлари совриндори, 44 ёшли Ольга Забелинская Париж-2024да гуруҳ пойгаси ҳамда шахсий вақт учун алоҳида старт дастурларида терма жамоамиз шарафини ҳимоя қилади.