17 окт 07:43
Янгиликлар

Волейбол

Ўзбекистон волейбол терма жамоаси Шри-Ланкадаги халқаро турнир вице-чемпиони бўлди

Шри-Ланкада волейбол бўйича катталар ўртасида "CAVA Menʻs volleyball challange cup Colombo 2023" халқаро турнири бўлиб ўтди.

Мусобақада иштирок этган Ўзбекистон миллий терма жамоаси барча рақибларини енгган ҳолда финалга қадар етиб борди. Ҳал қилувчи баҳсда эса спортчиларимиз мезбон юрт - Шри-Ланка билан баҳс олиб борди ва 0:3 ҳисобида имкониятни бой беришди.

Шу тариқа, Ўзбекистон волейбол терма жамоаси мусобақада кумуш медалларни қўлга киритди. Шунингдек, терма жамоамиз аъзолари Мирзиёд Муродов мусобақада "Энг яхши тўп узатувчи", Азизбек Қўчқоров эса "Энг яхши блокчи" йўналишларида ғолибликни қўлга киритди.