Ўзбекистонда IJFнинг “Мактабларда дзюдо дастури” амалда. Кўзгуда Тошкент шаҳри!

Шу жумладан, Ўзбекистонда ҳам бу лойиҳа амалиётга тадбиқ этилган. 

Ёдингизда бўлса, “Мактабларда дзюдо дастури” раҳбари Эстер Штам шу йил Тошкент Гран-приси чоғида юртимизга ташриф буюрган ва Ўзбекистон халқ таълими вазири Шерзод Шерматов билан учрашган эди. 

Айни пайтда мамлакатимизнинг 20 та ўрта таълим мактабида дзюдо қўшимча машғулот сифатида ўргатилмоқда. Ўзбекистон дзюдо федерацияси томонидан ушбу мактабларга татами ва бошқа зарур инвентарлар етказиб берилган. 

Халқаро дзюдо федерацияси Халқ таълими вазирлиги билан ҳамкорликда дзюдо ўргатилаётган мактаблар сонини оширишни мақсад қилган ва бу режа босқичма-босқич амалга ошириб борилади.  

Эътиборингизга бугунги кунда Тошкент шаҳридаги 29-мактаб қошида фаолият юритаётган дзюдо тўгарагидаги машғулотлар акс этган суратларни ҳавола қиламиз. Бу ерда истеъдодли мураббий Отамурод Ҳусанов болажонларга дзюдо сир-асрорларини ўргатяпти.