Ўзбекистонда ММАга тақиқ, динда ушбу спорт турига муносабат ва бошқалар. Лилия Шакирова дебют олдидан фикрларини билдирди

Лилия Шакирова: Мен динда жанг қилиш тақиқланганига қарамасдан бунга қарор қилганман. 

- Ўзбекистонда ўтган йилгача ММА билан вазият оғир эди. Бу спорт тури яқин яқингача тақиқда эди. Қиз бола учун бу спортда шуғулланиш, умуман мусобақаларда иштирок этиш қийин бўлмадими?

- Ҳа, бошида буни жуда кўп муҳокама қилишган. Мен залларга кира олмаганман. Аммо мени танийдиган боксчи ва курашчилар билан машғулот ўтказардим. 

Биринчи жангда улар менга тайёрланишга ёрдам беришган эди. Қолганлар эса бунга рози бўлишмаган. "Биз қизлар билан ишламаймиз. Улар нозик бўлишади",-дейишган эди. 

Кейинчалик мен Хитойдаги мусобақада ғалаба қозонганимда улар менда нимадир борлигини, унчалик ҳам нозик эмаслигимни сезишди. Мураббийлар эркак спортчиларга мен билан ишлашни топширишди. Улар ҳам розилик билдиришга мажбур бўлишди. Сабаби, буни мураббий буюрган эди. 

Биз ишлашни бошлаганимиздан сўнг, мен уларга рақобат қила олишимни тушунишди. Улар бор кучлари билан ишлашни бошлашди. 

- Дин тарафлама ҳам бирор тушунмовчиликлар бўлганми? Сабаби, Ўзбекистон мусулмон мамлакат...

- "Ҳа, бошида мени жуда кўп танқид қилишди. "Сен қиз боласан, сен жанг қилишинг керак эмас" дейишди. Аммо, мен жанг қилишни хоҳлар эдим. Мен динда ҳаракатларим тақиқланганлиги ҳақидаги гапларга эътибор бермадим. Жанг қилишда давом этдим. Шу сабабли мен ҳозир Абу-Дабидаман. Ўша пайт қарши бўлганларни барчаси ҳозир мени қўллашади",-деди Лилия Шакирова.