14 окт 10:30
Янгиликлар
Рамазон Темиров UFC'да ғалаба қозонган олтинчи ўзбекистонлик жангчига айланди
Илк бор Маҳмуд Мурадов 2019 йилнинг 28 сентябрь куни UFC on ESPN+ 18 турнири доирасида италиялик Алессио Ди Чирикони очколар ҳисобига мағлуб этган эди. Шундан сўнг, Маҳмуд UFC'да яна 4 та ғалаба ва 2 та мағлубият қайд этган ҳолда шу йилнинг май ойида лига билан хайрлашди.
2020 йилда эса ўзбекистонлик аёл спортчилар орасида биринчи ва ҳозирча охирги бўлиб Лилия Шакирова UFC октагонида жанг қилди. У лигадаги ягона жангида Лорен Мьёрфига имкониятни бой берган эди.
2021 йил июль ойида Зарруҳ Адашев (4-4), августда эса Саидёқуб Қаҳрамонов (11-3) UFC'да ғалаба қозонди. Ҳозирда уларнинг ҳар иккиси собиқ жангчилар ҳисобланади.
2023 йилда эса Нурсултон Рўзибоев, Богдан Гусков каби спортчиларимиз ўз чиқишларида ўзбекистонлик мухлисларни ғалаба билан хурсанд қилди.
Кеча тонгда Рамазон Темиров UFC'даги дебют жангида америкалик Си Жей Вергарани биринчи раундда нокаутга учратиб, мазкур ташкилотда ғалаба қозонган олтинчи ўзбекистонлик спортчига айланди.
Фикрлар