10 дек 13:31
Янгиликлар

Қиличбозлик, Париж-2024

Ўзбекистонлик аёл ҳакам Париж-2024 Олимпиадасида ишлайди

Халқаро қиличбозлик федерацияси (FIE) Париж-2024 Олимпиадасида ишловчи ҳакамлар рўйхатини эълон қилди.

Эътиборлиси, рўйхатдан халқаро тоифадаги ўзбекистонлик ҳакам Дилором Турдиқулова ҳам ўрин олди. Ҳамюртимиз тўрт йилликнинг энг нуфузли турнирида шпага йўналишидаги беллашувларни бошқариб боради.

Маълумот ўрнида, 2018 йилдан буён халқаро мусобақаларда фаолият олиб бораётган Дилором Турдиқулова шу пайтгача кўплаб нуфузли турнирлар, жумладан, Осиё ўйинлари, қитъа мусобақаларида ишлаган. У жорий йил Миланда (Италия) ўтказилган Жаҳон чемпионатида ҳам шпага йўналишидаги финал беллашувларида ишлаган эди.