30 дек 10:19
Янгиликлар
Бокс/ММА
Ўзбекистонлик ММА жангчиси Фурқатбек Ёқубов АҚШдаги менежерлик компанияси билан шартнома имзолади + ФОТО
Ўта енгил вазн тоифасида ўзбекистонлик аралаш якка кураш устаси Фурқатбек Ёқубов АҚШнинг "ECBSports Management" менежерлик компанияси билан шартнома имзолади.
Бу ҳақда 29 ёшли ҳамюртимиз ўзининг Instagram саҳифаси орқали хабар берди.
"Барчага салом. Сизларга АҚШнинг менежерлик компанияси билан шартнома имзолаганимни маълум қилишдан хурсандман. Мақсад сари яна бир қадам ташланди. Ин Ша Аллоҳ, бизни янги ютуқлар, "бомба" жанглар ва муддатидан олдин қўлга киритиладиган ғалабалар кутиб турибди", - деб ёзган Ёқубов.
Маълумот ўрнида, Фурқатбек Ёқубов фаолияти давомида ҳозиргача 17 та жанг ўтказган ва уларнинг 13 тасини ғалаба билан, 4 тасини эса мағлубият билан якунлаган. Охирги жангини 2023 йил 20 декабрь куни Владислав Пожньякка қарши ўтказиб, ғалаба қозонган эди.
Ҳавола :
Манба : instagram.com/yokubov_furkatbek
Фикрлар