Ўзбекистонлик мутахассис – 2024 йилнинг энг яхши самбо ҳаками!

Халқаро самбо федерацияси техник комиссияси қарори билан Ўзбекистон самбо ассоциацияси ҳакамлар кенгаши раиси Ислом Одилов ушбу мукофот соҳиби бўлди. Мукофотни ҳамюртимизга Халқаро самбо федерацияси (FIAS) ижрочи директори Сергей Табаков топширди. 

Айтиш лозим, FIASнинг “Биллур ҳуштак” мукофоти 2021 йилдан бошлаб ҳар йили энг яхши ҳакамга тақдим этиб келинади. Мукофот махсус макет асосида Халқаро самбо федерацияси буюртмаси асосида тайёрланади. Бу мукофот мутахассисларнинг самбо олдидаги юксак хизмати учун тақдим этилади.

Ислом Одиловнинг катта ҳакамлик тажрибаси ҳамда юқори савиядаги кўплаб халқаро мусобақаларда бош ҳакам сифатида фаолият кўрсатгани таъкидланди. Ўтган йиллар давомида Одилов ўзининг профессионаллигини изчил тасдиқлаб келмоқда, шунингдек, судьялар орасида катта обрўга эга мутахассис ҳисобланади.