24 окт 12:58
Янгиликлар

Бокс/ММА

Ўзбекистонлик мутахассис Озарбайжон бокс терма жамоаси бош мураббийи этиб тайинланди

Кеча бокс бўйича Озарбайжон эркаклар терма жамоасининг янги бош мураббийи эълон қилинди.

Мамлакатнинг асосий бокс жамоаси бош мураббийлиги ҳамюртимиз Равшан Ходжаевга ишониб топширилди. У ўтган йилдан то шу кунгача Озарбайжон бокс федерациясида техник директор лавозимида ишлаб келаётган эди.

Маълумот учун, 44 ёшли мутахассис Шаҳрам Ғиёсовнинг мураббийи ҳисобланади. Халқаро тоифадаги спорт устаси мураббийлик фаолиятини 1998 йилда бошлаган эди. Ходжаев Озарбайжон терма жамоаси бош мураббийлиги постида кубалик мутахассис Педро Рокени ўрнини эгаллади. Рокенинг Озарбайжон бокс федерацияси билан шартномаси якунига етган эди.