Ўзбекистонлик қизлар соҳил волейболи бўйича мусобақада иштирок этишади

Эътиборлиси, унда юртимиз волейболчилари ҳам иштирок этади. Таъкидлаш керак, бу мусобақа Ўзбекистон волейбол федерацияси учун жорий йилдаги илк халқаро турнир ҳисобланади.

Кеча ҳамюртларимиз Ўзбекистон волейбол федерацияси бош котиби Хусан Насруллаев бошчилигида БАА орқали Шри-Ланкага учиб кетишди. Терма жамоамиз таркибидан икки нафардан эркак ва аёл спортчи ўрин олишган.

Мамлакатимиз спорт делегацияси 16 февраль куни Шри-Ланкага етиб боришади. Соҳил волейболи бўйича Марказий Осиё чемпионатида 5та давлатдан қирққа яқин жамоа иштирок этиш истагини билдирган.

Шунингдек, мусобақа доирасида соҳил волейболи бўйича семинар-тренинг ҳам ўтказилади. Унда икки нафар вакилимиз – Нодира Султонбоева ҳамда Санжар Ахтамов ҳам қатнашади ва улар машғулот якунида тренерлик фаолиятини олиб бориш ҳуқуқини қўлга киритиши мумкин.