31 май 17:42
Янгиликлар

Спорт курашлари, Париж-2024

Ўзбекистонлик яна бир ҳакам Париж-2024 ёзги Олимпия ўйинларида ишлайди

Теглар : Спорт курашлари Эшпўлат Ҳидоятов

Бирлашган кураш дунёси (UWW) Париж-2024 ёзги Олимпия ўйинларида ишлайдиган ҳакамлар номини маълум қилди.

Қувонарлиси, улар орасида ўзбекистонлик мутахассис Эшпўлат Ҳидоятов ҳам бор.

Маълумот учун, бу Эшпўлат Ҳидоятов учун биринчи Олимпиада бўлади. Ҳакамимиз бунгача Нанкин-2014 ва Буэнос-Айрес-2018 ўсмирлар ёзги Олимпия ўйинлари, қитъа ва жаҳон чемпионатлари, Осиё ўйинларида самарали фаолият олиб борган.

Мутахассис 2022 йил Ўзбекистонда энг яхши ҳакам сифатида эътироф этилган эди. Ҳидоятов 20-24 июнь кунлари Грецияда Олимпия ўйинларига саралаб олинган ҳакамлар учун ташкил этиладиган семинарда иштирок этади.