ЎзДЖТСУнинг Фарғона филиалида шароитлар қай даражада?

Хабар берганимиздек, Жисмоний тарбия ва спорт вазири ўринбосари Авазжон Каримов раҳбарлигидаги Ишчи гуруҳ хизмат сафари билан Фарғона вилоятида бўлиб турибди. Ишчи гуруҳ дастлаб Фарғона вилояти спорт ўйинлари ва енгил атлетикага ихтисослаштирилган болалар-ўсмирлар спорт мактабига ташриф буюриб, амалга оширилган ишлар, мактабнинг моддий-техник базаси ва яратилган шароитлар билан яқиндан танишган эди.

Куннинг иккинчи ярмида Ишчи гуруҳ вакиллари Ўзбекистон давлат жисмоний тарбия ва спорт университетининг Фарғона филиалида бўлишди. Ташриф давомида университетнинг моддий-техник базаси, талабаларга яратилган имкониятлар билан яқиндан танишди. Мутасаддиларга тегишли кўрсатмалар берилди.

Шунингдек, Авазжон Каримов раҳбарлигидаги Ишчи гуруҳ Қўқон шаҳрида ташкил этилган Ашихара каратэ бўйича ўсмирлар ва ёшлар ўртасида Қўқон шаҳар очиқ биринчилигининг финал баҳсларини ҳам кузатишди ҳамда ғолиб ва совриндорларни тақдирлаш маросимида иштирок этди.