05 дек 21:21
Янгиликлар

Дзюдо

Пара дзюдочиларимиз Токио Гран-Присида умумжамоа ҳисобида биринчи ўринни эгаллади!

Бугун Япония пойтахти Токиода пара дзюдо бўйича Гран-При туркумидаги мусобақанинг сўнгги, иккинчи кунги беллашувлари ўтказилди.

Аҳамиятлиси, нуфузли мусобақанинг сўнгги кунида ҳам 4 нафар спортчимиз совринли ўринларни қўлга киритди:

Эркаклар:

Довурхон Кароматов 90 кг (J2) – кумуш

Аловиддин Жўрақулов + 90 кг (J2) – бронза

Аёллар:

Муниса Мадримова – 70 кг (J2) - олтин

Феруза Эргашева + 70 кг (J1) – бронза

Шу тариқа, терма жамоамиз дунёнинг 40 га яқин давлатидан ташриф буюрган сара пара дзюдочилар иштирок этган Гран-Прида 3 та олтин, 1 та кумуш ва 4 та бронза, жами 8 та медаль билан умумжамоа ҳисобида биринчи ўринни эгаллади.