Паралимпия спортчиларимизнинг Халқаро мусобақасида навбатдаги ютуқлари

Мазкур чемпионатда 10 давлатдан 100га яқин паралимпиячилар куч синашдилар. Шулар орасида уч нафар ҳамюртларимиз иштирок этиб, 3та олтин медални қўлга киритдилар. Жумладан, аёллар ўртасида кечган бахсда 200м. масофани паралимпия спортчимиз Мирзаева Шахноза (00:53.18) натижаси билан барча рақибларидан устун келиб, олтин медални қўлга киритди. 2-ўринни эронлик Шахла Бехрозирад (00:56.39) хамда 3-ўринни япониялик Ёшими Кажи (01:03.68) натижаси билан эгалладилар. Эркаклар ўртасида кечган бахсларда (М-KL2) классида 200м. масофани 00:46.12 сонияда сузиб ўтган юртдошимиз Абдулхабибов Азизбек фахрли биринчи ўринни эгаллади. Шу билан бирга яна бир хамюртимиз (М-VL3) классида 200м. масофани 00:58.99 сонияда сузиб ўтган Шерқўзиев Хайитмурод 3чи олтин медални Ўзбекистон хисобига қўшди.

Паралимпия ассоциацияси матбуот хизмати