01 апр 10:37
Янгиликлар

Қиличбозлик

Париж-2024 Олимпиадасига йўлланмаларимиз сони яна биттага кўпайди

Теглар : Зайнаб Дайибекова Париж-2024

Ҳафтани ажойиб янгилик билан бошлаймиз.

Зайнаб Дайибекова Париж-2024 ёзги Олимпия ўйинлари лицензиясини қўлга киритди.

Бугун қиличбозлик спортида Париж-2024 ёзги Олимпия ўйинлари учун рейтинг очколарини жамғариш даври расман якунланди. Қувонарлиси, сабля бўйича Ўзбекистон терма жамоаси аъзоси Зайнаб Дайибекова ушбу рейтинг орқали тўғридан-тўғри 4 йилликнинг энг нуфузли мусобақасига йўлланма олди.

Шу тариқа, Дайибекова фаолиятида иккинчи бор Олимпия ўйинларининг иштирокчисига айланмоқда. Қолган йўналишлардаги қиличбозларимиз 27-28 апрель кунлари БААнинг Фужайра шаҳрида ўтадиган қитъавий лицензион турнир орқали йўлланма олишга ҳаракат қилишади.

Шунинг билан, Ўзбекистон делегациясининг Париж-2024 ёзги Олимпия ўйинларига қўлга киритган лицензиялари 26 тага етди.