Париж-2024 ташкилий қўмитаси раҳбари россияликларнинг Олимпиададаги иштироки ҳақида гапирди

Жорий йилнинг март ойида ХОҚ ижроия қўмитаси халқаро федерацияларга россиялик спортчиларга нейтрал мақомда рухсат беришни тавсия қилган эди. 

“Биринчи навбатда, халқаро федерациялар танлов мезонларига жавоб берадими ёки йўқлигини ҳал қилиши керак. Баъзи спорт турларида русларга саралаш мусобақаларида қатнашишга рухсат берилади.

ХОҚ ва Халқаро Паралимпия қўмитаси уларни Ўйинларга қўйиш ёки йўқлигини ҳал қилиш ҳуқуқига эга. Ташкилий қўмита сифатида биз бу қарорни ҳурмат қилишимиз керак», - дея Эстангени сўзларини келтиради "Матч ТВ" France 24 телеканалига таяниб.

Париж-2024 Олимпия ўйинлари келаси йилнинг 26 июлидан 11 августига қадар бўлиб ўтади.