23 сен 01:01
Янгиликлар

Спорт курашлари, Париж-2024

Париж-2024 ёзги Олимпиада ўйинларига навбатдаги лицензия қўлга киритилди

Хабар берганимиздек, шу кунларда Сербиянинг Белград шаҳрида спорт курашлари бўйича катталар ўртасида жаҳон чемпионати бўлиб ўтмоқда.

Бугун, мусобақанинг саккизинчи куни доирасида 77 кг вазн тоифасида Ўзбекиистон терма жамоаси аъзоси Арам Варданян ўтиш босқичида иштирок этди ва бронза медали учун кечган баҳсда япониялик Нао Кусакага мағлуб бўлди.

Шундай бўлишига қарамасдан, Арам лицензия учун курашиш ҳуқуқини сақлаб қолди. Унга бу йўлда қозоғистонлик Демеу Жадраев рақиблик қилди. Қувонарлиси, вакилимиз Арам Варданян бу баҳсда ғалаба қозонди ва Париж-2024 ёзги Олимпиада ўйинларига лицензия қўлга киритди.

Бу Ўзбекистон спортчилари орасида қўлга киритилган учинчи лицензия бўлди, бунгача гимнастикачи Тахмина Икромова ҳамда эркин курашчи Жавраил Шапиев тўрт йилликнинг энг мухим мусобақаси учун ўз чипталарини кафолатлаган эди.